برلن (نوائے وقت رپورٹ + رائٹرز) جرمنی کے شہر میں ایک کرسمس مارکیٹ میں ٹرک نے ہجوم کو روند دیا۔ جس کے نتیجے میں 9 افراد ہلاک اور 50 تک زخمی ہو گئے ہیں۔ ٹرک نے کیسرول ہیلم میموریل چرچ کے باہر بازار میں سٹالوں کو روندا، خیال رہے رواں برس جولائی میں فرانس کے شہر نیس میں ٹرک سے روندنے کے حملے میں 86 افراد مارے گئے تھے۔ حملہ آور ٹرک ڈرائیور کو گرفتار جبکہ اس کا ساتھی ہلاک ہو گیا بتایا گیا ہے کہ ٹرک کی نمبر پلیٹ پولینڈ کی تھی جرمن وزیر داخلہ نے ٹرک حملے سے متعلق جرمن چانسلر کو بریفنگ دی گئی ہے شہری کرسمس کی تیاریوں میں مصروف تھے۔ پولیس کے ایک ترجمان نے کہا حملہ کے دہشت گردی ہونے کے حوالے سے تحقیقات جاری ہیں۔ حملے کے پیچھے کون تھا اس کی معلومات نہیں مل سکیں۔ جرمن چانسلر انجیلا مرکل نے واقعہ کی شدید مذمت کی اور متاثرین سے اظہار افسوس کیا۔ جرمن پولیس نے ٹویٹر پر اپنے پیغام میں شہریوں کو گھروں میں رہنے کی ہدایت کر دی۔