پاکستان کی پہلی کامیاب ترین اینیمیٹڈ فلم ’دی ڈونکی کنگ‘ نے کامیابی کا ایک اور سنگِ میل عبور کر لیا۔
’دی ڈونکی کنگ‘ اب ترک زبان میں بھی ریلیز ہو گئی ہے اور فلم آج سے ترکی کی 100 سے زائد اسکرین پر نمائش کے لیے پیش کی گئی ہے۔
یاد رہے کہ اینیمیٹڈ فلم ’دی ڈونکی کنگ‘ کوریا، اسپین اور روس میں مقامی زبان میں ریلیز ہوکر ریکارڈ بناچکی ہے۔
واضح رہے کہ ’دی ڈونکی کنگ‘ پاکستان کی پہلی اینی میٹڈ فلم اکتوبر 2018 میں سینما گھروں کی زینت بنی تھی جو کہ جیو فلمز اور تلسمان اسٹوڈیوز کے اشتراک سے بنائی گئی تھی۔اینی میٹڈ فلم نے ریلز ہونے کے بعد 25 ہفتوں میں 24.75 کروڑ کا بزنس کیا تھا۔