اقلیتوں کو برابر کے حقوق ،مکمل مذہبی آزادی حاصل ہے، فیاض الحسن چوہان

راولپنڈی( جنرل رپورٹر)پارلیمانی سیکرٹری نارکوٹکس کنٹرول شیخ راشد شفیق ایم این اے،صوبائی وزیر جیل خانہ جات فیاض الحسن چوہان،صوبائی وزیر خواندگی راجہ راشد حفیظ نے مسیحی برادری کو کرسمس کی مبارکباد دیتے ہوئے کہا ہے کہ پاکستان میں اقلیتوں کو برابر کے حقوق ،مکمل مذہبی آزادی حاصل ہے،تحریک آزادی اور پاکستان کی تعمیرو ترقی میں اقلیتی برادری کا کردار ناقابل فراموش ہے،ہم سب انکی خوشیوں میں برابر کے شریک ہیں،پاکستان تحریک انصاف کی حکومت اقلیتوں کو درپیش تمام مسائل کو حل کریگی،ان خیالات کا اظہار انہوں نے گزشتہ روز یہاں شہناز شیخ ہاکی سٹیڈیم اصغر مال سکیم میں راولپنڈی ویسٹ مینجمنٹ کمپنی کے چیف سینیٹری انسپکٹر توقیر نصیر خان کی طرف سے راولپنڈی ویسٹ مینجمنٹ کمپنی کے سینیٹری ورکرز اور انکے اہل خانہ کے اعزاز میں کرسمس کیک کاٹنے کی تقریب سے خطاب کر تے ہوئے کیا،اس موقع پر ایم ڈی راولپنڈی ویسٹ مینجمنٹ کمپنی اویس منظور تارڑ ،سینئر مینیجر آپریشنز محمد حسنین ،مینیجر کمیونیکیشن ناصر محمود،مینیجر ایچ آر بلال خاور،مینیجر آپریشنز سید حسن سردار،صدر میونسپل ورکرز لیگ حاجی فاروق،چیئرمین چنگیز بھٹی ،انور مسیح،اسسٹنٹ مینیجر آپریشنز حارث مرتضیٰ ،پاسٹر عارف مسیح و دیگر بھی موجود تھے، شیخ راشد شفیق نے اپنے خطاب میں کہا کہ شہر کی صفائی میں سینیٹری ورکرز کا اہم کردار ہے،اس وائرس زدہ ماحول میں بھی وہ اپنے فرائض سرانجام دے رہے ہیں ،پی ٹی آئی حکومت کو ان کے تمام مسائل کا ادراک ہے اور میں ان مسائل کے حل کی مکمل یقین دہانی کراتا ہوں،فیاض الحسن چوہان نے کہا کہ اقلیتی برادری ہمارے ہر دکھ سکھ میں ہمارے ساتھ کھڑی ہوتی ہے،انکی حب الوطنی قابل تعریف ہے،ہم بھی انکے ہر دکھ درد میں انکا ساتھ دینے کا یقین دلاتے ہیں،کسی بھی موقع پر یہ خود کو تنہا نہیں پائینگے،وزیر اعظم عمران خان ،وزیر اعلیٰ عثمان بزدار کی قیادت میں ملک کو خوشحالی کی راہ پر گامز ن کر دیا ہے، مسیحی برادری کو کرسمس کی بہت بہت مبارک باد پیش کرتے ہیں،راجہ راشد حفیظ نے کہا کہ مسیحی برادری کی کرسمس کی خوشیوں میں برابر کے شریک ہیںبعد ازاںپارلیمانی سیکرٹری نارکوٹکس کنٹرول شیخ راشد شفیق ایم این اے،صوبائی وزیر جیل خانہ جات فیاض الحسن چوہان،صوبائی وزیر خواندگی راجہ راشد حفیظ ،ایم ڈی راولپنڈی ویسٹ مینجمنٹ کمپنی اویس منظور تارڑنے ورکرز کے ہمراہ کرسمس کا کیک کاٹا،اس موقع پر ورکرز کے اعزاز میں ٹی پارٹی کااہتمام بھی کیا گیا تھا۔