دوحہ(آئی این پی)پہلا فیفا عرب کپ کا ٹائٹل الجیریا نے جیت لیا، فائنل میں تیونس کو 2-0سے شکست دی، 16ٹیموں کے ٹورنامنٹ میں میزبان قطر نے تیسری پوزیشن حاصل کی۔قطر کے البیت اسٹیڈیم میں 8 ہزار سے زائد شائقین کی موجودگی میں فیفا کی نگرانی میں عرب کپ کھیلا گیا جہاں الجیریا اور تیونس کی ٹیمیں فائنل میں مدمقابل آئیں ۔دونوں ٹیموں کے درمیان زبردست مقابلہ دیکھنے میں آیا، مقررہ وقت میں کوئی ٹیم گول نہ کرسکی ، اضافی وقت میں الجیریا کے نوجوان مڈ فیلڈرامیر سعیود نے گول کرکے ٹیم کو ایک گول کی برتری دلائی ۔میچ کے آخری منٹ میں یاسین براہیمی نے گول کرکے الجیریا کو عرب کپ کا پہلاٹائٹل جتوادیا، مصر کو ہراکر میزبان قطر نے ایونٹ میں تیسری پوزیشن حاصل کی ۔فیفا کے صدر گیانی انفنٹینو نے میچ میں خصوصی شرکت کی اور ٹورنامنٹ کو فیفا کے تحت جاری رکھنے کا اعلان کیا۔