شیرشاہ واقعہ افسوسناک اور لمحہ فکریہ ،سعید احمدبیگ

کراچی ( سٹی نیوز) شیرشاہ واقعہ انتہائی افسوسناک اور لمحہء فکریہ ہے، دوسری جانب یہ بھی افسوسناک امر ہے کہ کراچی جیسے بین الاقوامی شہر میں ایسے واقعات سے نمٹنے اور عوام کے جان ومال کو بچانے کے لئے کوئی سسٹم سرے سے موجودہی نہیں ہے ۔ ان خیالات کا اظہار پاک امن ویلفیئر ایسوسی ایشن کے چیئرمین سعید احمدبیگ نے سانحہء شیرشاہ پر افسوس کا اظہار کرتے ہوئے کیا۔انہوں نے کہاکہ کراچی میں شہر میں پے درپے انسانی المیوں کو جنم دینے والے واقعات کارونماہونالمحہء فکریہ ہے جو حکمران طبقے پر سوالیہ نشان ہے۔ انہوں نے کہاکہ شیرشاہ واقعہ حکمرانوں کی آنکھیں کھولنے کے لئے کافی ہوناچاہئے ،ایسے واقعات کے سدباب کے لئے فوری اور ہنگامی اقدامات انتہائی ضروری ہیں۔انہوں نے واقعے میں جاں بحق ہونے والوں کے لئے دعائے مغفرت اور لواحقین کے لئے صبر جمیل کی دعاکرتے ہوئے حکومت سے مطالبہ کیاکہ واقعے کی شفاف تحقیقات کروائی جائے اور مضمرات کا ازالہ کیاجائے۔