ملتان (سپورٹس ڈیسک )اینا بوگڈین نے وارورا گریچیوا اور ایلیسن وان اوتھوینک نے ویرا زوناریوا کو شکست دے کر لیموجیز اوپن کے فائنل میں جگہ بنا لی۔ ڈبلیو ٹی اے کے زیراہتمام لیموجیز اوپن کے دلچسپ مقابلے فرانس میں جاری ہیں۔ سنگلز ایونٹ کے پہلے سیمی فائنل میں رومانیہ کی اینا بوگڈین نے روس کی وارورا گریچیوا کو سخت مقابلے کے بعد 75، 26اور 63سے ہرا کر فائنل میں جگہ بنا لی۔ ٹورنامنٹ کے دوسرے سیمی فائنل میں بیلجیئم کی ایلیسن وان اوتھوینک نے روس کی ویرا زوناریوا کو سٹریٹ سیٹس میں 63اور 64سے ہرا کر فائنل تک رسائی حاصل کی۔