ملتان ( خبر نگار خصوصی)ملتان ویسٹ منیجمنٹ کمپنی نے صفائی کے لئے خدمات کے عوض اپنے ریونیو میں اضافے کیلئے مختلف اداروں کے ساتھ معاہدے کرنے کا آغاز کردیا ہے۔ اس حوالے سے بڑے اداروں کو صفائی خدمات پیش کرنے کی مارکیٹنگ شروع کردی گئی ہے۔اس سلسلے میں ملتان ویسٹ منیجمنٹ کمپنی نے نشتر ڈینٹل کالج کے ساتھ ویسٹ اٹھانے کا معاہدہ کرلیا ہے۔کمپنی ڈینٹل کالج کو کنٹینر فراہم کرنے اور اسے لفٹ کرنے کی ذمہ داری نبھائے گی۔ڈسٹرکٹ جیل انتظامیہ نے بھی کوڑا کرکٹ اٹھانے کے لئے ملتان ویسٹ منیجمنٹ کمپنی کی خدمات طلب کرلی ہیں اور دونوں اداروں کے مابین ایم او یو پر دستخط کے لئے دستاویزات کی تیاری شروع کردی گئی ہے۔ ملتان ویسٹ منیجمنٹ کمپنی نے پاکستان کرکٹ بورڈ کو بھی ملتان کرکٹ اسٹیڈیم کی صفائی کے معاہدے کی پیش کش کردی ہے ۔ ملتان ویسٹ منیجمنٹ کمپنی سبزی و فروٹ منڈی اور پولیس ٹریننگ سنٹر کو پہلے ہی صفائی کے لئے خدمات فراہم کررہی ہے۔
 ویسٹ منیجمنٹ کمپنی