لاہور(نیوز رپورٹر)فاطمہ جناح میڈیکل یونیورسٹی اور فاطمہ جناح میڈیکل کالج المنائی ایسوسی ایشن آف نارتھ امریکہ کے اشتراک سے جاری بین الاقوامی سمپوزیم میں آج مختلف موضوعات پر ورکشاپس کا انعقاد ہوا۔ جس میں المنائی ایسوسی ایشنز کے تمام مہمانوں نے شرکت کی۔ چیف گیسٹ صدر فاطمہ جناح میڈیکل کالج المنائی ایسوسی ایشن آف نارتھ امریکہ ڈاکٹر فضہ رفیق کا کہنا تھا کہ فاطمہ جناح میڈیکل یونیورسٹی بڑی تیزی کیساتھ تعلیمی، تحقیقی اور طبی شعبوں میں ترقی کی راہ پر گامزن ہے جس کی ہمیں بے حد خوشی اور فخر ہے۔ یونیورسٹی کی فیکلٹی کے ہمراہ کاشانی گاؤں کا دورہ کرنے کا موقع ملا جو کہ انتہائی خوش گوار تھا۔