اسلام آباد (نمائندہ خصوصی)ڈالر کی شدید قلت ،زرمبادلہ کی عدم دستیابی کے باعث ملک کی کارساز کمپنی انڈس موٹرز نے کام بند کرنے کا اعلان کردیا۔ ملک کی سب سے  کار ساز کمپنی نے 20 دسمبر سے پلانٹ بند کرنے کا اعلان کیا ہے،انڈس موٹرز کا پلانٹ  20 دسمبر2022 سے 30 دسمبر 2022تک بند رہے گا،کمپنی نے پاکستان سٹاک ایکسچینج کو خط لکھ دیا۔  انڈس موٹرزکا کہنا ہے کہ اسٹیٹ بینک کی کاروں کے پارٹس کے لئے پیشگی منظوری کی شرط نے آٹو سیکٹر کو متاثر کیا ہے، ہمارے پاس مطلوبہ تعداد میں پرزے اور خام مال نہیں رہا،  اس دوران گاڑیوں کی پیداوار نہیں ہوگی۔