اوستہ محمد(نامہ نگار)بلوچستان عوامی پارٹی کے سینئر رہنما میرعطااللہ خان بلیدی کی جانب سے اور پارلیمانی سیکرٹری قانون و پارلیمانی امور اینڈ سائنس انفارمیشن ٹیکنالوجی ڈاکٹر بلیدی کے فنڈز سے حسین آباد محلہ کی مین گلی میں ٹف ٹائل کی اسکیم کا کام ٹھیکیدار ریاض حسین لانگاہ اور جنرل کونسلر دوست محمد مینگل کی نگرانی میں آخری مرحلے میں ہے۔ انشاءاللہ بہت جلد اس کو مکمل کر لیا جائے گا۔ اہلیان حسین آباد محلہ اور جنرل کونسلر دوست محمد مینگل نے میڈیا سے بات چیت کرتے ہوئے کہا ہے کہ ٹف ٹائل کی نیو اسکیم دینے پر میر عطا اللہ خان بلیدی کا شکریہ ادا کرتے ہوئے کہا اس سے قبل حسین آباد محلہ کی مین گلی بالکل گھومنے پھرنے کے قابل نہیں تھی جبکہ بارشوں کے موسم میں تین سے چار فٹ تک بارش کا پانی رہتاتھا جس کی وجہ سے عوام کو سخت دشواری کا سامنا تھا ۔ انہوں نے کہاکہ میر عطاءاللہ خان بلیدی کی جانب سے فنڈ دینے کے بعد گلی کا کام جاری ہیں جو بہت جلد مکمل کر لیا جائے گا۔