امریکی ٹینس اسٹار وینس ولیمز کی آسٹریلین اوپن میں واپسی

لاہور ( سپورٹس ڈیسک) امریکی ٹینس اسٹار سیرینا ولیمز کی بڑی بہن وینس ولیمز ایک بار پھر آسٹریلین اوپن میں واپس آ گئیں۔غیر ملکی خبر رساں ادارے کے مطابق وینس ولیمز 42برس کی عمر میں آسٹریلین اوپن کھیلیں گی، وہ 22ویں مرتبہ اس ایونٹ میں شریک ہوں گی۔میڈیا رپورٹس کے مطابق وینس ولیمز نے 1998 ء میں آسٹریلین اوپن میں ڈیبیو کیا تھا۔وینس ولیمز کا کہنا ہے کہ میں بہت خوش ہوں کہ میں اس مرتبہ آسٹریلین اوپن کھیلوں گی، آسٹریلیا میں ہمیشہ مجھے بہت سپورٹ ملی ہے۔امریکی ٹینس اسٹار نے یہ بھی کہا کہ میرے لیے اعزاز ہے کہ میں ٹینس فینز کے سامنے دوبارہ کھیلوں گی۔میڈیا رپورٹس کے مطابق وینس ولیمز کو آسٹریلین اوپن میں شرکت کے لیے وائلڈ کارڈ ملا ہے۔