ارجنٹینا کے کپتان لیونل میسی نے کرسٹیانو رونالڈو سے سوشل میڈیا  کی دنیا کا بڑا اعزاز چھین لیا 

کراچی (اسپورٹس رپورٹر )ارجنٹینا کے کپتان لیونل میسی نے کرسٹیانو رونالڈو سے سوشل میڈیا کیدنیا کا بڑا اعزاز چھین لیا ایسے میں سوشل میڈیا پر زیادہ سرگرم رہنے والے رونالڈو کے کروڑوں مداح بھی ان کا خوب ساتھ دیتے ہیں جس کی مثال ان کی ایک پوسٹ کا انسٹاگرام پر سب سے زیادہ پسند کیا جانا ہے۔19 نومبر کو کرسٹیانو رونالڈو نے انسٹاگرام پر اپنی اور میسی کی تصویر کو شیئر کیا جس میں دونوں کو علامتی طور پر شطرنج کھلتے ہوئے دیکھا جاسکتا ہے۔مذکورہ پوسٹ کو انسٹاگرام پر 4 کروڑ 19 لاکھ سے زائد صارفین نے پسند کیا جو اب تک کسی بھی کھلاڑی کی سب سے زیادہ پسند کی جانے والی پوسٹ تھی۔تاہم اب لیونل میسی نے رونالڈو سے ان کا یہ اعزاز بھی چھین لیا جہاں ان کی جانب سے ورلڈکپ جیتنے کے بعد ٹرافی کے ساتھ شیئر کی گئی پوسٹ کو 4 کروڑ 68 لاکھ سے زائد صارفین پسند کرچکے ہیں۔واضح رہے کہ یہ کسی بھی کھلاڑی کی اب تک سب سے زیادہ پسند کی جانے والی پوسٹ بن گئی ہے۔ خیال رہے کہ ایک روز قبل قطر کے لوسیل اسٹیڈیم میں کھیلے گئے فیفا ورلڈکپ فائنل میں لیونل میسی کی کپتانی میں ارجنٹینا نے فرانس کو شکست دے تیسری مرتبہ عالمی اعزاز اپنے نام کیا۔مذکورہ میچ میں میسی نے 2 گول بھی اسکور کیے تھے، میچ 3-3 سے برابر رہا تھا جس کے بعد اس کا فیصلہ پنالٹی شوٹ ا?ؤٹ پر ہوا جس میں ارجنٹینا نے 2-4 سے کامیابی سمیٹی۔