لاہور ( سپورٹس رپورٹر) خیبر پختونخوا سے تعلق رکھنے والے اسرار الحق نے قومی آرچری چیمپئن شپ میں انفرادی مقابلوں میں دوسری پوزیشن حاصل کرتے ہوئے سلور میڈل حاصل کرلیا ۔کراچی میں منعقدہ آرچری چیمپئن شپ میںچاروں صوبوں بشمول ڈیپارٹمنٹ کے پینتیس تیر اندازوں کے حصہ لیا تھا  جس میں خیبر پختونخوا کی ٹیم کے ممبر اسرا ر الحق نے پاک آرمی سے تعلق رکھنے والے ٹاپ آرچر کو پوائنٹس کی بنیاد پر ہرا کر دوسری پوزیشن حاصل کی جبکہ اسی ٹیم کے ممبر وجاہت علی نے انفرادی مقابلوں میں چھٹی پوزیشن حاصل کی یوں خیبر پختونخواہ سے تعلق رکھنے والے دو تیر انداز پاکستان میں نمایاں آرچر میں شامل ہوگئے۔ اسرار الحق اگلے سال تک ہونیوالے بین الاقوامی مقابلوں میں بھی پاکستان کی نمائندگی کرینگے ٹیم ایونٹ میں خیبرپختونخواکی ٹیم نے تیسری پوزیشن حاصل کی۔ آرچری کے ٹیموں کے مقابلوں میں آرمی نے پہلی ، واپڈا نے دوسری اور خیبر پختونخواہ نے تیسری پوزیشن حاصل کی۔