مخدوم شاہ محمود قریشی نے  زاہد حسین گردیزی کی عیادت کی

ملتان (  خبر نگار خصوصی )مینگو گرورز ایسوسی ایشن کے صدر سید زاہد حسین گردیزی علالت کے باعث شوکت خانم ہسپتال میں زیر علاج ہیں۔ دو روز قبل ممتاز سرجن خرم میر اور ان کی ٹیم نے ان کا آپریشن کیا۔ ان کی حالت بہتر اور روبہ صحت ہیں۔ تحریک انصاف کے وائس چیئرمین مخدوم شاہ محمود قریشی نے گزشتہ روز  ان کی عیادت کی۔ وہ کچھ دیر وہاں موجو د رہے اور ان کی صحت یابی کیلئے دعا کی۔ دریں اثناء  سابق وفاقی وزیر سید فخر امام، دربار حضرت شاہ یوسف گردیز کے سجادہ مخدوم روشن علی گردیزی، رکن صوبائی اسمبلی مخدومزادہ زین حسین قریشی،صوبائی وزیر زراعت سید حسین جہانیاں گردیزی ، سید اعزاز حسن گردیزی، سابق آئی جی پولیس سید اصغر رضا گردیزی، سابق وفاقی سیکرٹری سید محمد علی گردیزی، مرکزی امام حسین کونسل کے چیئرمین ڈاکٹر غضنفر مہدی ودیگر نے جلد صحت یابی کیلئے دعا کی۔