لاہور /چیچہ وطنی (سپورٹس رپورٹر/ نمائندہ خصوصی/نامہ نگار) چیچہ وطنی میں36ویں نیشنل کبڈی چیمپئن شپ واپڈا نے جیت لی۔ تفصیل کے مطابق نیشنل کبڈی چیمپئن شپ کا فائنل میچ واپڈا اور ائیرفورس کے درمیان کھیلا گیا جو پاکستان نے ائیرفورس سے 43 پوائنٹ کے مقابلے میں 51 پوائنٹ حاصل کرکے چیمپئن شپ جیت لی جبکہ پنجاب پولیس نے آرمی سے 48کے مقابلے میں 53پوائنٹ حاصل کرکے تیسری پوزیشن حاصل کی۔ پاکستان واپڈا کے لالہ عبید اللہ ، وقاص بٹ ، منشاءگجرجبکہ ائیرفورس کے صدیق بٹ ، راشد ، خلیل بابرگجر نے بہترین کھیل کا مظاہرہ کیا ۔فائنل میچ دیکھنے کیلئے تماشائیوں کی بڑی تعداد موجود تھی ۔ چیمپئن شپ جیتنے والی ٹیموں اور نمایاں کارکردگی کا مظاہرہ کرنے والے کھلاڑیوں میں مہمانانِ گرامی محمد ارشد، محمد منیر ازہر نے ٹرافی اور میڈل تقسیم کیے۔ اس موقع پر کبڈی ٹیم کے کوچ طاہر وحید جٹ جنرل سیکرٹری کبڈی ایسوسی ایشن رانا محمدسرور ، سابق نیشنل کھلاڑی رانا مقبول احمدخاں، قیصر نعیم اعظم، محمد طفیل اور ساجد علی، چودھری ولی محمد، صفدر منیر بھٹی اور چودھری عبدالقیوم بھی موجود تھے۔