راولپنڈی (اے پی پی) چیف آف آرمی سٹاف جنرل اشفاق پرویز کیانی نے کو ٹلہ رینجرز کا دورہ کیا جہاں انہوں نے فیلڈ فائرنگ مشقوں کا معائنہ کیا۔ آئی ایس پی آر کے ترجمان کے مطابق ان مشقوں کا مقصد ایک حقیقی ماحول میں فوجیوں کو تربیت دینا ہے۔ مشقوں میں پاک فضائیہ کے جہازوں اور توپ خانے سمیت ہتھیاروں کے بڑے نظاموں کا استعمال کیا گیا۔ آرمی چیف نے مشقوں میں حصہ لینے والے فوجیوں کی پیشہ وارانہ مہارت اور لگن کو سراہا۔