پاکستان اور ویسٹ انڈیز کے درمیان اب تک کے میچزمیں کیریبین ٹیم کا پلڑا بھاری رہا

پاکستان اور ویسٹ انڈیز کی ٹیمیں گیارہ جون انیس سو پچہتر کے ورلڈ کپ میں آمنے سامنے آئیں جو ویسٹ انڈیز نے ایک وکٹ سے جیت لیا دونوں ٹیموں کے درمیان آخری میچ دوہزار تیرہ میں ہوا جو پاکستان نے چار وکٹوں سے جیتااب تک دونوں ٹیمیں ایک سو ستائیس میچز میں آمنے سامنے آچکی ہیں،ایک روزہ میچز میں کیریبین ٹیم کا پلڑا گرین شرٹس پر بھاری رہا ویسٹ انڈیز نے پاکستان کے خلاف اڑسٹھ میچز میں فتح حاصل کی جبکہ پاکستان پچپن میچز میں کامیاب ہوسکا،دونوں ٹیمیوں کے درمیان تین میچ بغیر نتیجہ ختم ہوئے-
گزشتہ ورلڈ کپ میچز میں پاکستان اور ویسٹ انڈیز کے درمیان دس بار مقابلہ ہوا اور اس میں بھی ویسٹ انڈیز پاکستان پر بھاری رہا، کیریبین ٹیم نے عالمی ایونٹس کے دوران سات بار پاکستان کو شکست دی جبکہ پاکستان صرف تین بار کامیاب ہوسکا-