کسووال:4روز قبل اغوا ہونیوالے 9 سالہ بچے کی نعش کھیتوں سے برآمد‘ اہل دیہہ کا احتجاج

کسووال+چیچہ وطنی(نامہ نگاران) 4روز قبل اغوا ہونیوالے9 سالہ بچے کی نعش قریبی کھیتوں سے برآمد‘اہل دیہہ کا احتجاج۔نواحی گائوں 46/12-L کے محمد رمضان کا 9 سالہ بیٹا رضوان عرف جانی 4 روز قبل گھرسے کھیتوں میں چارا لینے کیلئے گیا جسے نامعلوم افراد نے اغوا کر لیا۔ گمشدگی رپٹ تھانہ اوکانوالہ بنگلہ میں درج کروائی گئی۔گزشتہ روز بچے کی نعش کھیتوں سے برآمد ہوئی ۔ پولیس نے نعش قبضہ میں لے کر پوسٹ مارٹم کیلئے تحصیل ہیڈ کوارٹر ہسپتال چیچہ وطنی پہنچائی۔واقعہ کی اطلاع ملتے ہی ڈی پی او ساہیوال ڈاکٹر عاطف اکرام، ایس پی انوسٹی گیشن، ڈی ایس پی چیچہ وطنی امجد جاوید کمبوہ موقع پر پہنچ گئے، پولیس نے اسی گائوں کے دو مشکوک افراد کو گرفتارکر لیا۔ لواحقین نے پولیس کی کارکردگی پر اطمینان اور وقوعہ کے خلاف احتجاج کرتے ہوئے وزیراعلیٰ سے نوٹس لینے کا مطالبہ کیا۔