اسلام آباد ( سپورٹس رپورٹر) کراچی میں جاری جوبلی انشورنس43ویںقومی سنوکر چیمپئن شپ میں پیر کو پنجاب کے محمد بلال، بابر مسیح، محمد آصف اور محمد ماجد علی نے مخالف کھلاڑیوں کو شکست دے کر سیمی فائنل کھیلنے کا اعزاز حاصل کر لیا۔ پہلے میچ میں پنجاب کے محمد بلال نے پنجاب ہی کے محمد احسن جاوید کو 5-3سے، بابر مسیح نے علی \
حیدر کو5-3سے، محمد آصف ( پنجاب) نے ذوالفقار علی قادر ( سندگھ) کو5-0سے اور محمد ماجدی علی (پنجاب) نے سلطان محمد کو5-4سے شکست دے کر سیمی فائنل کھیلنے کا اعزاز حاصل کر لیا۔ آج کے کوارٹر فائنل میچز کی خاص بات سابق عالمی چیمپیئن محمد آصف کی سنچری بریک تھی۔ انہوں نے100کی یہ بریک سندھ کے ذوالفقار علی قادر کے خلاف پہلے فریم میں کھیلی۔ منگل کو صبح دس بجے پہلے سیمی فائنل میں محمد بلال اور بابر مسیح بد مقابل ہوں گے جبکہ دوسرا سیمی فائنل محمد آصف اور محمد ماجد علی کے درمیان ساڑھے بارہ بجے کھیلا جائے گا۔