لاہور(آئی این پی ) الیکشن کمیشن نے پنجاب اسمبلی کے حلقہ پی پی241 میں ضمنی انتخاب کا شیڈول جاری کردیا ہے۔الیکشن کمیشن کے مطابق حلقے میں پندرہ اپریل کو ضمنی انتخاب منعقد کرایا جائے،جس کے لئے دو سے چار مارچ تک امیدوار کاغذات نامزدگی جمع کرائیں گے۔ نو مارچ تک ریٹرننگ افسر سکروٹنی کا عمل مکمل کرینگے،سولہ مارچ تک امیدوار ریٹرننگ افسر کے فیصلے کے خلاف اپیل کرسکیں گے جبکہ انیس مارچ کو امیدوار کو انتخابی نشان الاٹ کیا جائے گا۔واضح رہے کہ مسلم لیگ (ن)کے ایم پی اے کاشف چوہدری کی نااہلی کے بعد خالی ہوئی تھی۔