راولپنڈی(اپنے سٹاف رپورٹر سے) تھانہ نصیر آباد کے علاقہ نیوچاکرہ میں لڑائی جھگڑا کے دوران 2 افراد قتل کردیئے گئے جبکہ 2 شدیدزخمی ہوگئے ایس پی پوٹھوہار سید علی نے واقعہ کا نوٹس لیتے ہوئے اے ایس پی کینٹ کو جلد از جلد ملزمان ٹریس کرکے گرفتار کرنے کی ہدایت کردی پولیس کے مطابق ڈرائیوروں کی لڑائی کے دوران نامعلوم ملزمان نے فائرنگ کی جس سے شاہ زیب اور ظہیر موقع پر جاں بحق ہوگئے جبکہ عبداللہ اور عتیق الرحمن فائرنگ سے شدید زجمی ہوگئے نعشوں کو پوسٹمارٹم اور زخمیوں کو علاج معالجہ کے لیے ہسپتال بھجوایا گیا ہے فرانزک سائنس لیبارٹری موقع پر طلب کر لی گئی اے ایس پی کینٹ سرکل نے بتایا کہ سی سی ٹی وی فوٹیج حاصل کی جا رہی ہیں.