راولپنڈی (اپنے سٹاف رپورٹر سے) بسنت کے موقع پر راولپنڈی میں پولیس نے پتنگ بازوں اورہوائی فائرنگ کرنے والوں کے خلاف کارروائی کرکے 79ملزمان گرفتارکرکے ہزاروں پتنگیں، ڈوریں،اسلحہ معہ ایمونیشن اورساؤنڈ سسٹم برآمدکرلئے سٹی پولیس آفیسر محمد احسن یونس کی ہدایت پر پولیس نے 5344 پتنگیں، 98 ڈوریں ،07 پستول 30بورمعہ ایمونیشن اور04ساؤنڈ سسٹم برآمد کرلیے، تھانہ ریس کورس پولیس نے35ملزمان کوگرفتارکرکے 2500 پتنگیں،30ڈوریں اور02 ساؤنڈ سسٹم، تھانہ سول لائن پولیس نے پتنگ بازوں اورہوائی فائرنگ کرنے والے ملزمان کو گرفتارکرلیا۔