سپر سٹار ماہرہ خان کی پروڈکشن 'سول فرائے فلمز' میں بننے والی ویب سیریز 'بارہواں کھلاڑی' کی پہلی جھلک جاری کر دی گئی ہے۔ اداکارہ ماہرہ خان نے انسٹاگرام اکائونٹ پر اپنی پروڈکشن میں بننے والی ویب سیریز کا ٹریلر شیئر کیا۔ماہرہ خان نے ویب سیریز 'بارہواں کھلاڑی' کا ٹریلر شیئر کرتے ہوئے کیپشن میں ’بسم اللہ‘ لکھا۔
View this post on Instagram
بارہواں کھلاڑی کی ہدایت کاری عدنان سرور نے دی ہے جبکہ اس کی پروڈیوسر نینا کاشف اور اداکارہ ماہرہ خان ہیں اور ویب سیریز کی کہانی شاہد ڈوگر نے لکھی ہے۔ویب سیریز کی کہانی دوستی، رشتہ، اتحاد، ناکامی، کامیابی، محبت اور حوصلہ افزائی پر مبنی ہے۔ ویب سیریز کے 59 سیکنڈ کے ٹریلر میں گلوکار علی ظفر کے بھائی دانیال ظفر، معروف یوٹیوبر شاہ ویر جعفری، اداکارہ کنزہ ہاشمی، ہدایت کار و اداکار سرمد کھوسٹ، میرا سیٹھی اور اداکارہ صبا فیصل کو اداکاری کرتے دیکھا گیا ہے۔
