لاہور (وقائع نگار) فیکٹری ایریا کے علاقے میں گھر سے نوبیاہتا دلہن کی پنکھے سے لٹکی نعش برآمد، ہماری بیٹی کو اس کے شوہر اور سسرالیوں نے قتل کیا ہے۔ اہلخانہ کا الزام، تفصیلات کے مطابق والٹن روڈ میں واقع گھر میں مافیہ نامی خاتون کی  نعش پنکھے سے لٹکتی پائی گئی اطلاع ملنے پر پولیس نے  مافیہ والد محمد یاسین کی مدعیت میں مقدمہ درج کر کے شوہر کو حراست میں لے لیا۔ مدعی مقدمہ کا کہنا ہے کہ 7 ماہ قبل اس کی بیٹی کی شادی عمیر سے ہوئی تھی۔ اس کو سسرال والے اکثر گالیاں دیتے اور مار پیٹ کرتے تھے گزشتہ روز  مافیا کے سسرال سے کال آئی کی آپکی بیٹی فوٹ ہوگئی۔ موقع پر پہنچا تو بیٹی کو مردہ حالت میں پایا اس کے  گلے پر نشان تھا۔ میری بیٹی کو عمیر اور اس کے اہلخانہ نے مل کر مارا ہے اور اسے خودکشی کا رنگ دینے کی کوشش کی ہے۔