چکوال (نوائے وقت رپورٹ) موٹر وے پر کلرکہار کے قریب ٹریفک حادثے میں 12 افراد جاں بحق ہو گئے۔ ڈی سی قراۃ العین نے بتایا بس سے 70 کے قریب زخمیوں کو نکالا گیا ہے۔ زخمیوں میں خواتین اور بچے شامل ہیں۔ تمام زخمیوں کو ٹراما سینٹر کلرکہار اور ٹی ایچ کیو ہسپتال کلرکہار منتقل کر دیا گیا۔ ترجمان موٹر وے پولیس کے مطابق باراتیوں سے بھری بس بریک فیل ہونے سے الٹ گئی۔ اسلام آباد سے لاہور آ رہی تھی‘ بس کے حصوں کو کاٹ کر زخمیوں کو نکالا گیا۔ جاں بحق ہونے والوں میں تین خواتین بھی شامل ہیں۔