قصور (نمائندہ نوائے وقت) نفیس کالونی کی گلی نمبر7ٹوٹ پھوٹ کا شکار،عوامی نمائندوں کی طفل تسلیاں۔تفصیلات کے مطابق نفیس کالونی کی کئی گلیاں خصوصاً گلی نمبر7 ٹوٹ پھوٹ کا شکار ہوچکی ہے اور گہرے گڑھوں کے باعث حادثات معمول بن چکے ہیں جبکہ بارش اور سیوریج کا پانی ان گڑھوں میں جمع ہونے سے مکھیوں اور مچھروں کی افزائش کے باعث موذی امراض پھیل رہے ہیں۔ اس سلسلے میں عوامی نمائندے کئی بار گلی کی تعمیر کا وعدہ کر چکے ہیں مگر بارہا مرتبہ یاد دہانیوں اور درخواست کے باوجود نامعلوم وجوہات پر وہ وعدہ نبھانے میں ناکام ہیں۔علاقہ مکینوں نے ڈپٹی کمشنر قصور اور نگران وزیر اعلیٰ پنجاب سے نوٹس لینے کا مطالبہ کیا ہے۔