معراج النبیؐ ایسا معجزہ ہے جو عقل انسانی میں سماء نہیں سکتا :شبیر صدیقی

گوجرانوا لہ (نمائندہ خصوصی )معراج النبی ؐایسا معجزہ ہے جو عقل انسانی میں سماء نہیں سکتا ،عظمت نبی کا جب ذکر ہو تو اللہ تعالیٰ اپنے نام سے اسکا آغاز فرماتا ہے۔معراج النبی پوری انسانیت کی معراج ہے اس رات وقت اللہ کے پیارے رسول ؐ کا تھا ۔وقت گھڑیاں رک گئیں اور سرکار آن واحد میں لامکاں تک پہنچے اور پھر واپس بھی تشریف لے آئے ، معراج النبیؐ میں جو اللہ تعالیٰ کی طرف سے عطا ء ہوا وہ تحفہ نماز ہے اسی لئے میری سرکار نے فرمایا نماز مومن کی معراج ہے ۔اور یاد رکھو اس وقت ملکی حالات انتہائی تشویشناک ہیں ،مہنگائی نے غریب عوام کو ادھ موا کردیا ہے۔ لوگ خود کشیوں پر اتر آئے ،قیامت کے دن ان حکمرانوں کی سستی نااہلی کا حساب ہوگا۔جو حکمران اپنے عوام کو حقوق نہیں فراہم کرتے وہ اللہ کی پکڑ سے نہیں بچ سکتے ۔اس بات کا اظہار جمعیت علمائے پاکستان کے ضلعی سیکرٹری جنرل پیر مخدوم صاحبزادہ محمد شبیر احمد صدیقی نے مرکزی جامع مسجد فیض مدینہ مجاہد پورہ حیدری روڈ  میں محفل سے خطاب کے دوران کیا۔مفتی محمد رب نواز اویسی،مفتی محمد عرفان القادری،علامہ سخاوت علی کیلانی ، علامہ محمد ابوبکر صدیقی ودیگر نے بھی خطاب کیا۔