نیازی نے ملک کو اندھیروں میں ڈوبو دیا:رانا مبشراقبال

کاہنہ(نامہ نگار )وزیر اعظم شہباز شریف کے معاون خصوصی رانا مبشر اقبال نے وزیر اعظم پاکستان کے حلقہ کاہنہ نو میں ترقیاتی کاموں کاافتتاح کیا رانا مبشر اقبال کاکہنا تھا کہ نیازی نے ملک کو اندھیروں میں ڈوبو دیا۔جتنا قرضہ 70 سالوں میں تمام حکومتوں نے لیا۔ اتنا نیازی نے اپنے 4 سالوں میں لیا۔ وزیر اعظم پاکستاں کے معاون خصوصی رانا مبشر اقبال نے ترقیاتی کاموں کے افتتاح کے موقعہ پر عوام سے خطاب کرتے ہوے کہا کہ اس حلقہ میں ہم نے بے شمار ترقیاتی کام کروائے،حلقہ میں بوائز ڈگری کالج،گرلز ڈگری کالج، ہسپتال اور حلقہ میں ہزاروں کلومیٹر کی سڑکیں اور گلیاں بنوائی۔ انہوں نے کہا کہ ملک میں جب بھی ترقی ہوتی ہے اور عوام کے مسائل حل ہوتے ہیں تو صرف اور صرف ن لیگ کی حکومت میں حل ہوتے ہیں رانامبشر اقبال نے کہا کہ ہماری تمام قیادت پر جھوٹے مقدمات بناے گئے مگر ہم ہرعدالت سے سرخرو ہوئے اور اب اس کو چار سال کاحساب دینا ہوگا۔