قادرپورراں (نامہ نگار)سابقہ ایم پی اے ملک واصف مظہر راں نے کہا کہ تعلیمی اور صحت کے میدان میں عملی طور پر کام کرنا عبادت سمجھتا ہوں میں نے اپنے دور میں اپنے حلقے میں کئی نئے سکولز بنوائے ہیں اور اکثر سکولوں کو اپ گریڈ کروایا ہے جب  بچے تعلیم حاصل کریں گے تو انہیں شعور آئے گا انہوں نے کہا کہ میں اپنے والد مرحوم کے نقش قدم پر چلتے ہوئے ان کے خواب کو آگے بڑھا رہا ہوں میرے والد مرحوم نے قادرپورراں میں بوائز اور ڈگری کالجز بنوائے ہیں جس سے سینکڑوں بچے اور بچیاں اعلیٰ تعلیم حاصل کررہے ہیں وہ گزشتہ روز موضع ناء والا میں  نجی سکول میں تقریب تقسیم انعامات سے خطاب کررہے تھے۔ ملک واصف مظہر راں اور سکول پرنسپل ملک عدنان ہانس نے بچوں میں انعامات تقسیم کئے۔