آر ڈی اے کا سید پور اور موہن پورہ میں تجاوزات کیخلاف آپریشن 

راولپنڈی (اپنے سٹاف رپورٹر سے) آر ڈی اے نے کے انفورسمنٹ سکواڈنے انسداد تجاوزات مہم کے دوران سید پور ہائوسنگ سکیم اور موہن پورہ ہائوسنگ سکیم راولپنڈی میں غیر قانونی تجاوزات کے خلاف آپریشن کیا اور گرلز، باڑ، رکاوٹیں اور فٹ پاتھ مسمار کر دئے ترجمان آر ڈی اے حافظ محمد عرفان نے کہا کہ ڈی جی آر ڈی اے محمد سیف انور جپہ نے اسٹیٹ مینجمنٹ ونگ آر ڈی اے کو ہدایت کی ہے کہ وہ آر ڈی اے کے تحت آنے والی ہاؤسنگ سکیموں میں بغیر کسی خوف و خطر کے تجاوزات کے خلاف سخت کارروائی کریں، انفورسمنٹ سکواڈ آر ڈی اے بشمول انچارج واسسٹنٹ ڈائریکٹر بلڈنگ کنٹرول، اسسٹنٹ ڈائریکٹر لینڈ ڈویلپمنٹ، ڈپٹی انچارج، بلڈنگ انسپکٹرز اور دیگر نے متعلقہ تھانہ بنی راولپنڈی کی پولیس کے تعاون سے تجاوزات کے خلاف آپریشن کیا۔