گلگت(نوائے وقت رپورٹ) گلگت، ہنزہ  اور  سکردو  میں زلزلے کے شدید  جھٹکے محسوس کئے گئے ہیں۔گلگت بلتستان کے علاقوں غذر ، دیامر،گانچھے اور کھرمنگ میں بھی  زلزلے کے جھٹکے محسوس کئے گئے ۔ زلزلہ پیما مرکز کے مطابق  زلزلے کی شدت 5.2 ریکارڈ کی گئی، اس کی گہرائی 25 کلومیٹر اور  مرکز گلگت سے 45 کلومیٹر جنوب مشرق تھا۔زلزلے کے بعد لوگ خوفزدہ ہو کر کلمہ طیبہ پڑھتے ہوئے گھروں سے باہر نکل آئے، بعض علاقوں میں بجلی بھی معطل ہوگئی۔زلزلے کے باعث فوری طور پر کسی جانی نقصان کی اطلاع نہیں ملی ہے۔