3 روز میں روس کے 6 لڑاکا طیارے تباہ کر دیئے: یوکرائنی آرمی چیف

کیف (نیٹ نیوز) یوکرائن نے روسی لڑاکا طیاروں پر حملہ کیا ہے۔ اس حوالے سے یوکرائنی فوج نے دعویٰ کیا ہے کہ اس نے 3 روز میں روس کے 6 لڑاکا طیارے تباہ کر دئیے۔ یوکرائنی آرمی چیف نے کہا کہ یوکرائنی فوج نے آج 2 اور روسی لڑاکا طیارے مار گرائے ہیں۔ روس کے ایس یو 34 اور ایس یو 35 لڑاکا طیاروں کو تباہ کیا۔ روسی لڑاکا طیاروں کو تباہ کن گائیڈڈ فضائی بموں سے تباہ کیا۔ ادھر کیف سے خبر ایجنسی کا کہنا ہے کہ یوکرائن نے ہفتے کو روس کے 3 لڑاکا طیارے تباہ کرنے کا بتایا تھا۔ یوکرائنی فوج نے یہ نہیں بتایا کہ روسی طیاروں کو کون سے علاقے میں تباہ کیا گیا۔