ہماری ذمہ داری ہے کہ آئندہ میچز میں اچھا کھلیںگے:بابر اعظم

لاہور(سپورٹس رپورٹر)پاکستان سپر لیگ (پی ایس ایل) 9 کے اپنے پہلے میچ میں شکست کے بعد پشاور زلمی کے کپتان بابر اعظم نے کہا ہے کہ ہماری ذمہ داری ہے کہ آئندہ میچز میں اچھا کریں۔ کوئٹہ گلیڈی ایٹرز کے خلاف میچ کے بعد پریس کانفرنس کرتے ہوئے پشاور زلمی کے کپتان نے۔ کہا  کہ ہم نے ایک اسپنر کو مس کیا، پہلے 6 اوورز اچھے نہیں کیے۔ ڈیتھ اوورز میں ہمیں اس سے بہتر کرنا چاہیے تھا۔انہوںنے کہاکہ وکٹیں گرنے سے میں تھوڑا سلو ہوا صورتحال کے مطابق چلنا پڑتا ہے، آغاز ہم نے اچھا کیا تھا رن ریٹ کے مطابق تھے۔نوجوان بولر محمد ذیشان کے بارے میں بات کرتے ہوئے بابر اعظم نے کہا کہ ذیشان جتنا کھیلیں گے بہتر ہوں گے۔ ٹاس جیت کر پہلے فیلڈنگ کرنے کے فیصلے سے متعلق بابر اعظم نے کہا کہ فریش پچ تھی اور موسم بھی ایسا تھا کہ پہلے بولنگ کرنا بنتا تھا۔انہوں نے کہا کہ جیسن رائے اور سعود شکیل کو کریڈٹ دینا چاہیے، بولنگ کا فیصلہ درست تھا رنز کچھ زیادہ کروادیے۔انہوںنے کہاکہ بولنگ کو میچور کیا ہے، جتنی چاہے اچھی بولنگ ہو پلان کے مطابق کھیلنا پڑتا ہے۔انہوں نے کہا کہ آصف علی کو صورتحال کے مطابق بھیجا لیکن رنز کچھ زیادہ تھے۔بابر اعظم نے کہا کہ ہوم گراؤنڈ میں فینز کے سامنے کھیلنا اچھا لگتا ہے، بہتر کرنے کی کوشش کرتا ہوں پریکٹس کرتا رہتا ہوں، ہمیشہ پازیٹو رہ کر آگے بڑھتا ہوں۔