پاکستان سمیت دنیا بھر میں طاہر القادری کی  سالگرہ منائی گئی، تقریبات کا اہتمام

لاہور ( خصوصی نامہ نگار )بانی تحریک منہاج القرآن ڈاکٹر محمد طاہرالقادری کی73 ویں سالگرہ گزشتہ روز پاکستان سمیت دنیا بھر میں منائی گئی۔ منہاج القرآن انٹرنیشنل کے مرکزی سیکرٹریٹ سمیت   100سے زائد ممالک کے اسلامک سنٹرز میں سالگرہ کا کیک کاٹا گیا۔مقررین نے علوم القرآن،بین المسالک و بین المذاہب رواداری کیلئے انکی خدمات کو خراج تحسین پیش کیا۔تحریک منہاج القرآن کے سکولز،کالجز اور یونیورسٹی کی علمی تقاریب میں انکی صحت، درازی عمر  کیلئے دعائیں مانگی گئیں۔  ملک میں سفیر امن سیمینار منعقد کئے گئے اور منہاج یوتھ لیگ ، مصطفوی سٹوڈنٹس موومنٹ کے نوجوانوں نے خون کے عطیات دئیے۔