ایوان صدر میں ہونے والی تقریب میں چیئرمین جوائنٹس چیفس آف سٹاف کمیٹی جنرل خالد شمیم وائیں سمیت مسلح افراد کے سربراہان بھی موجود تھے۔ جبکہ وفاقی وزراء میں وزیردفاع احمد مختار، وزیراطلاعات ڈاکٹر فردوس عاشق اعوان، امین فہیم، سلمان فاروقی اورعبدالحفیظ شیخ نے شرکت کی۔ تقریب میں صدر آصف علی زرداری نے پاک بحریہ کے سربراہ ایڈمرل آصف سندیلہ کو بہترین خدمات کے اعزاز میں نشان امتیاز ملٹری سے نوازا۔ واضح رہے کہ پاک فوج اور حکومت کے درمیان تناؤ کے بعد یہ پہلی تقریب ہے جہاں فوجی اور سیاسی قیادت ایک چھت کے نیچے موجود تھی۔