سہ ملکی ون ڈے سیریز: بنگلہ دیش نے سری لنکا کو 163رنز سے ہر ادیا

ڈھاکہ (سپورٹس ڈیسک) بنگلہ دیش میں جاری سہ ملکی ون ڈے سیریز میں میزبان ٹیم نے سری لنکا 163رنز سے ہرادیا ۔ بنگال ٹائیگرز نے سات وکٹوں پر 320رنز بنائے ۔ سری لنکن ٹیم 157رنز بناکر آئوٹ ہو گئی ۔بنگال ٹائیگرز کی طرف سے تمیم اقبال 84‘شکیب الحسن 67‘مشفیق الرحیم 62رنز بناکر نمایاں رہے ۔ تھسارا پریرا نے تین جبکہ فرنینڈو نے دو کھلاڑیوں کو آئوٹ کیا ۔سری لنکا کی جانب سے تھسارا پریرا 29اور کپتان چندی مل 28رنز کیساتھ نمایاںرہے۔ شکیب الحسن نے تین ‘مشرفی مرتضیٰ اورروبیل حسین نے دو دو کھلاڑیوں کو آئوٹ کیا ۔ شکیب الحسن کو میچ کا بہترین کھلاڑی قرار دیا گیا ۔