چکوال ( نامہ نگار )ہونہار طالبہ ملائکہ ریاض نے نعتیہ مقابلہ ڈویژن بھر سے دوسری پوزیشن حاصل کر لی ہے وزیر اعلیٰ پنجاب کے علمی ادبی پروگرام مقابلہ حسنِ قرات و نعت خوانی کا انعقاد صوبائی سطح پر ہوا جس میں چکوال کے گورنمنٹ ایم سی گرلز مڈل سکول چھپڑ چوک کی طالبہ ملائکہ ریاض جماعت ہفتم نے سیکنڈ پوزیشن حاصل کر کے اپنے سکول کا نام روشن کر دیا۔ملائکہ ریاض کی کامیابی ہیڈ مسٹریس گورنمنٹ ایم سی گرلز مڈل سکول عابدہ تبسم کی انتھک محنتوں کا نتیجہ ہے۔قبل ازیں مقابلہ نعت خوانی مقامی سطح پر اور ضلعی سطح پر منعقد ہوئے۔جن میں ملائکہ ریاض نے اول پوزیشن حاصل کی تھی۔بعد ازاں ڈویژن سطح پر پوزیشن کو برقرار رکھا تھا۔ملائکہ ریاض کی کامیابی پر وزیر اعلیٰ پنجاب محمد شہباز شریف کی طرف سے گورنمنٹ ایم سی گرلز مڈل سکول چھپڑ چوک کی ہیڈ مسٹریس عابدہ تبسم کو مبارکباد پیش کی گئی ۔