چین کے تعاون سے چاول کی ورائٹی کو مزید بہتر بنائیں گے :افتخار علی ملک

لاہور(کامرس رپورٹر) یونائیٹڈ بزنس گروپ کے مرکزی چیئرمین اور سارک چیمبر آف کامرس کے سینئر نائب صدر افتخار علی ملک نے کہا ہے پاکستان کے ساتھ چین کی دوستی لازوال ہے اور چین کے تعاون سے پاکستان میں چاول کی ورائٹی کو مزید جدید بنائیں گے ۔انہوںنے اس امر کا اظہار گزشتہ روز مقامی ہوٹل میں سالانہ سیلز کانفرنس 2019 کی تقریب سے خطاب کرتے ہوئے کیا ہے ۔تقریب سے سیڈ ایسوسی ایشن پاکستان کے صدر شہزاد علی ملک ،ڈائریکٹر شاہ رخ ملک ، شاہ زین ملک اور جنرل مینجر رضوان یونس نے بھی خطاب کیا ۔