مکہ مکرمہ(اے این این)عمرے کی غرض سے آئی پاکستان ایک افسوس ناک واقعے کا شکار ہو کر زندگی سے محروم ہو گئی۔ تفصیلات کے مطابق پاکستانی معتمر خاتون مکہ مکرمہ میں موجود تھی۔ جو حضورﷺ کی ذاتِ مبارکہ سے مخصوص غارِ حرا کی زیارت کے لیے گئی۔ جہاں غار کی چوٹی سے ایک بھاری پتھر سرک گیا اور سیدھا نیچے موجود پاکستانی زائر خاتون کے سر پر جا لگا۔جس کی تاب نہ لاتے ہوئے وہ موقع پر ہی جاں بحق ہو گئی۔ واقعے کی اطلاع ملتے ہی ریسکیو ٹیمیں بھی موقع پر پہنچ گئیں۔ متوفیہ کی نعش کو قریبی ہسپتال کے سرد خانے منتقل کر دیا گیا ہے۔ پولیس نے واقعے کے حوالے سے تفتیش کا آغاز کر دیا ہے۔