پی ایس ایل فور کا ٹائٹل گانا ’کھیل دیوانوں کا‘ ریلیز

اسلام آباد(آئی این پی ) پاکستان سپر لیگ 2019 کا آفیشل گانا ریلیز کردیا گیا ہے۔پاکستان سپرلیگ کے چوتھے ایڈیشن کے لیے گانے کا ٹاٹئل کھیل دیوانوں کا ہے۔ شائقین کرکٹ کا جوش بڑھانے کے لیے شجاع حیدر نے بول لکھے، جنہیں فواد خان نے اپنی آواز سے چارچاند لگائے ہیں۔ہر سال شائقین کرکٹ کو زیادہ سے زیادہ راغب کرنے کے لیے میگا ایونٹ کے لیے سالانہ ایک گانا ریلیز کیا جاتا ہے ۔پی ایس ایل کے پہلے ایڈیشن 2016 میں علی ظفر نے اب کھیل کیدکھا سے شائقین کے دل گرمائے تھے۔ 2017 میں ریلیز ہونے والے گانے کے بول اب کھیل جمے گا تھے۔میگا ایونٹ کے تیسرے ایڈیشن کے لیے علی ظفر کا لکھا اورگایا دل سے جان لگا دے کرکٹ فینز میں انتہائی مقبول ہوا تھا۔پاکستان سپر لیگ کے چوتھے ایڈیشن کا ا?غاز 14 فروری کوہوگا جبکہ فائنل 17 مارچ کو کھیلا جائے گا۔ایونٹ کے میچز شارجہ، دبئی اور ابو ظہبی میں ہوں گے، پی ایس ایل کے ا?خری ا?ٹھ میچ پاکستان میں کھیلے جائیں گے جن میں سے تین میچ لاہور اور پانچ میچ کراچی میں کھیلے جائیں گے۔