کراچی (اسپورٹس رپورٹر) ماسٹر ہاکی سیریز کے دوسرے میچ کیلئے پاکستان ماسٹر ہاکی ٹیم کا اعلان کردیا گیا۔ ٹیم میں اشعر قدوائی ، عارف صدیقی ، جان محمد ، امتیاز علی اور تسنیم عثمانی کی جگہ طاہر حبیب ، محمد شاہد ، مزمل حسین ، عرفان علی، محمد عمران اور پیر سلیم کو شامل کیا گیا ہے۔ عمان ماسٹر ہاکی ٹیم کیخلاف دوسرا ٹیسٹ میچ بروز پیر 20 جنوری کو کھیلا جائیگا تین میچوں پر مشتمل سیریز کے دوسرے ہاکی ٹیسٹ میچ کیلئے پاکستان ماسٹر ہاکی ٹیم ان کھلاڑیوں پر مشتمل ہوگی۔ اولمپیئن ایاز محمود ( کپتان ) راشد یعقوب ، معصوم علی ( گول کیپرز ) اسد قریشی ، پیر سلیم، جاوید مظہر ، عرفان علی ، مزمل حسین ( فل بیکس ) سمیر سلیم ، آصف احمد خان ، افتخار احمد ، زاہد غفار ، واصف رضا ، محمد عمران ( ہاف بیکس ) اولمپئن قمر ابراھیم (نائب کپتان) اولمپئین کامران اشرف ، اولمپئین سید سمیر حسین ، اولمپئن کاشف جواد ، محمد علی ، طاہر حبیب اور محمد شاہد ( فارورڈز )۔ امتیاز شیخ منیجر اور اولمپئین افتخار سید کوچنگ کے فرائض انجام دینگے۔ پاکستان ماسٹر ہاکی ٹیم کو سیریز میں ایک صفر کی برتری حاصل ہے۔