لاہور(سپورٹس رپورٹر) لاہور پولو اینڈ کنٹری کلب کے زیراہتمام ٹین ایشیس پولو کپ ٹیٹرا پیک ٹیم نے باڑیز ٹیم کو ساڑھے چار کے مقابلے میں چھ گول سے شکست دیگر ٹائٹل جیت لیا۔ فائنل میچ زبردست رہا۔ باڑیز کی ٹیم نے پہلے چکر میں تین گول کرکے برتری حاصل کرلی جبکہ دوسرے چکر میں باڑیز کی ٹیم نے ایک اور گول کرکے سکور 4-0 کردیا۔ دوسرے چکر کے اختتامی لمحوں میں ٹیٹرا پیک کی ٹیم گول کرکے اپنا اکائونٹ کھولا۔ تیسرے چکر میں دو گول ٹیٹرا پیک نے سکور کرکے سکور 4-3 کردیا۔ چوتھے چکر میں ٹیم ٹیٹرا پیک نے شاندار کم بیک کیا اور تین گول سکور کرکے میچ 6-4.5 سے جیت لیا۔ ٹیٹرا پیک کی طرف سے راجہ تیمور ندیم نے چار جبکہ ایڈورڈ بینر ایو نے دو گول سکور کیے۔ ادھر باڑیز کی طرف سے شاہ شمیل عالم نے دو، آغا موسی علی خان اور اریسنٹو نے ایک ایک گول سکور کیا۔ فائنل سے قبل سب سڈری فائنل میں ٹیم بی این پولو نے ایف جی پولو کو 7-6 سے ہرا کر سب سڈری فائنل جیت لیا۔ اختتامی تقریب میں جنرل کمانڈنگ آفیسر میجر جنرل محمد یوسف مجوکہ میر شعیب احمد نے کھلاڑیوں میں انعامات تقسیم کیے۔