پیفین گرلز نیٹ بال کپ کل سے کھیلا جائیگا

لاہور(سپورٹس سپورٹس)پاکستان نیٹ بال فیڈریشن کے زیراہتمام اور سندھ نیٹ بال ایسوسی ایشن کے تعاون سے پیفین گرلز نیٹ بال کپ 21 جنوری سے کراچی میں شروع ہوگا، پاکستان نیٹ بال فیڈریشن کے مدثر آرائیں نے بتایا کہ ٹورنامنٹ کے تمام انتظامات مکمل کر لئے گئے ہیں اور ٹورنامنٹ کے ڈراز تمام شرکت کرنے والی ٹیموں کو ارسال کر دیئے گئے ہیں۔ ٹورنامنٹ میں گرلز انڈر19،گرلزانڈر17 اور گرلز انڈر15 کے مقابلے شامل ہیں ، سیمی فائنل 23 جنوری جبکہ فائنل مقابلے 24 جنوری کو کھیلے جائیں گے۔ٹورنامنٹ کا مقصد گراس روٹ سطح پر خواتین میںنیٹ بال کے کھیل کو عام کرنا ہے اور ملک میںنیٹ بال کے کھیل کے ٹیلنٹ کی کمی نہیں بلکہ سہولیات فراہم کرنے کی ضرورت ہے۔