خانوادہ رسولﷺ اور سیرت سیدہ فاطمہ زہرہ ؓ کی پیروی کی جائے:مولانا صادق جعفری

کراچی (نیوز رپورٹر) تذکرۃ المعصومین ٹرسٹ کے تحت ایام فاطمیہ کے سلسلے میں مجالس جامع مسجد حیدری اورنگی ٹاؤن نمبر10میں منعقد ہوئیں جن سے خطاب کے دوران مولانا صادق جعفری نے کہا کہ خانوادہ رسولﷺ اور سیرت سیدہ فاطمہ زہرہ سلام اللہ علیہ کی پیروی کی جائے کیونکہ آپ وہ عظیم خاتون ہیں جو عصمت و طہارت کے ساتھ ساتھ جرأت وبہادری میں اپنی مثال آپ تھیں۔آپ نے ترویج و تبلیغ دین کیلئے گرانقدر خدمات انجام دیں اور رسول اکرمﷺ کے ہمراہ سخت اور کٹھن جدوجہد کے ذریعے اسلام کی آبیعاری کی ،اس موقع پر نوید قمر زیدی،افسر علی رضوی،شاہد حسین زیدی،ناصر حسین زیدی،یاسین علی جعفری،ضرغام حیدر زیدی،باقر علی نقوی کے علاوہ مومنین و مومنات ،ماتمی انجمنوں کے اراکین ،اسکاؤٹس گروپ اور قومی و ملی شخصیات نے شرکت کی اور سیرت سیدہ فاطمہ زہرہ سلام اللہ علیہ پر تفصیلی روشنی ڈالی،اس کے ساتھ ساتھ مسلم حکمرانوں سے کہا کہ وہ اسلامی دنیا کی درست رہنمائی کریں۔