نواب شاہ (بیورورپورٹ)بینک افسر کی موت پر قتل کا انکشاف،تین روز قبل بینک افسر کی موت حرکت قلب نہیںگولی لگنے سے واقع ہوئی؟ دوران چہل قدمی جابحق بینک افسرکی سی سی ٹی وی فوٹیج نے معاملہ کو نیا رخ دے دیا،پراسرارموت کا شک دوران تدفین اہل خانہ کو کفن پر خون کے نشانات دیکھ کر ہوا،معاملہ کی حقیقت تک پہنچنے کے لئے پولیس نے جائے وقوع کی سی سی ٹی وی فوٹیج حاصل کرلی ہے ،سی سی ٹی وی فوٹیج میں موٹر سائیکل سوار ملزم کو مقتول امداد ملاح پر فائر کرتے دکھایاگیاہے، مقتول بینک افسر امداد ملاح پیپلز میڈیکل اسپتال روڈ سے 12 جنوری کونعش  ملی تھی جسے ڈاکٹرز نے دل کا دورہ قرار دیا تھا،ایس ایس پی شہید بینظیرآباد تنویر حسین تنیو نے قتل کی تحقیقات کے لئے دو ڈی ایس پیز پر مشتمل کمیٹی تشکیل دیدی ہے، مقتول بینک افسر امداد ملاح پیپلز پارٹی کے رہنماء شہاب الدین ملاح کا بھائی تھا۔