مکہ مکرمہ (ممتاز احمد بڈانی) سعودی افواج کے چیف آف سٹاف جنرل فیاض الرویلی اور پاکستانی بحریہ کے سربراہ ایڈمرل محمد امجد خان نے  ملاقات کی۔ سعودی عرب اور پاکستان دوست ملکوں کے درمیان تعاون  خصوصی طور پردفاعی شعبوں میں تعاون کے طریقوں کا جائزہ لیا گیا۔ وزارت دفاع کے ٹوئٹر اکائونٹ پر جاری بیان کے مطابق اس موقع پر دونوں ملکوں کے درمیان سکیورٹی اور عسکری تعاون کو فروغ دینے کی اہمیت بھی زیر بحث آئی۔ جبکہ باہمی دلچسپی کے امور پر تبادلہ خیال کیا گیا ہے۔ اس موقع پر جنرل فیاض اور ایڈمرل محمد امجد خان نے ایک دوسرے کو یادگاری تحائف پیش کیے۔ سعودی بحریہ کے کمانڈر لیفٹیننٹ فہد الغفیلی بھی موجود تھے۔ سعودی بحریہ کے کمانڈر فہد الغفیلی سے بھی پاکستانی بحریہ کے سربراہ اور ہمراہ آئے وفد نے الگ  ملاقات کی۔ فہد الغفیلی نے سعودی عرب اور پاکستان کے درمیان دوستانہ تعلقات اور تعاون کے رشتوں کے حوالے سے خیالات کا اظہار بھی کیا۔