جی ٹی روڈ پرٹائرپھٹنے سے تیزرفتارکارکوحادثہ،3افرادجاں بحق

گوجرخان +اسلام آباد(اپنے سٹاف رپورٹر سے+ نامہ نگار)تھانہ سہالہ کے علاقے روات ٹی کراس جی ٹی روڈ پر تیز رفتار کار ٹائر پھٹنے سے سڑک کی دوسری جانب کار پر جا گری اس حادثے میں دو کمسن بچے اور ان کا والد جاں بحق جبکہ والدہ شدید زخمی ہوگئی حادثے میںخاتون سمیت سات شدید زخمی افراد ہسپتال منتقل کردئے گئے حادثے کی اطلاع ملتے ہی ڈی ایس پی رخسار مہدی اور ایس ایچ او مرزا گلفراز پولیس کی بھاری نفری سمیت جائے حادثہ پہنچ گئے ٹریفک پولیس نے بھی جی ٹی روڈ کی ٹریفک رواں رکھنے کیلئے ڈائیورشن دی تفصیلات کے مطابق منگل کو دن پونے تین بجے روات ٹی کراس سے جی ٹی روڈ کی جانب ہنڈا کار نمبرAAW - 023 گیگا مال کے سامنے پہنچی تو ٹائرپھٹنے سے اچھل کر سڑک کی دوسری جانب نسان سنی کار نمبرMV - 692 کے اوپر جاں گری ہنڈا کار میں سوار36 سالہ جوادعلی ولدمحمد ریاض اور ان کی دو کمسن بچیاں ڈیڑھ سالہ عنابیہ ، ایک ماہ کی بچی علیزہ موقع پر جاں بحق ہوگئے جبکہ بچوں کی والدہ30 سالہ صائمہ کے علاوہ دوسری کار میں سوار اعزاز منصور،رضا علی ،یوسف ، نادیہ خان رمشاء ایک نامعلوم خاتون کو شدید زخمی حالت میں ریسکیو1122 نے طبی امداد کیلئے ہسپتال منتقل کردیا قبل ازیں جاں بحق ہونے والوں کی نعشیں ریسکیو1122 نے پمس منتقل کردیں ۔