محکمہ موسمیات نے کہاہے کہ آئندہ 24گھنٹوں کے دوران اسلام آباد سمیت پنجاب کے میدانی علاقوں اور بالائی سندھ میں دھند چھائے رہنے کا امکان ہے جبکہ بالائی خیبرپختونخوا اور شمالی بلوچستان ،، گلگت بلتستان اورکشمیرمیں موسم شدید سرداور ملک کے دیگر علاقوں میں موسم سرد اور خشک رہے گا۔محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ شمالی بلو چستان اور بالائی علاقوں میں شدید سردرہا۔ پنجاب کے میدانی علاقوں میں شدید دھند چھائی رہی۔رپورٹ کے مطابق کم سے کم درجہ حرارت،لہہ منفی 13،اسکردو منفی 12،گوپس منفی11 ، استورمنفی10 ، اننت ناگ منفی 9،بگروٹ منفی 7، ہنزہ ،کالام اور گلگت میں منفی 5ڈگری سینٹی گریڈریکارڈ کیا گیا۔