کراچی (نوائے وقت رپورٹ) کراچی میں بھی گدھوں کا گوشت استعمال کیے جانے کا خدشہ پیدا ہوگیا۔ کراچی کے ایک شادی ہال میں گدھے اور گوشت ملنے پر شہریوں نے شدید تشویش کا اظہار کیا ہے۔ علاقہ مکینوں نے دعویٰ کیا ہے کہ خالی شادی ہال میں 11 گدھے لائے گئے اور دو روز میں 4 گدھے کم ہوگئے، بچوں نے گدھوں کے کٹے سر دیکھے جو پولیس کے آنے سے پہلے ہی ہٹا دیئے گئے۔ دوسری جانب ملزمان کا کہنا ہے کہ شادی ہال میں تقریبات کیلئے گائے کا گوشت کاٹا جارہا تھا اور ہال خالی ہونے پر لوگوں نے گدھے باندھے۔