لاہور (نامہ نگار) لاہور کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ تفصیلات کے مطابق ڈاکوؤں نے گرین ٹاؤن کے علاقے میں مقامی کمپنی کی پک اپ گاڑی کو گن پوائنٹ پر روک کر سیلز مین عدیل سے 12 لاکھ روپے نقدی اور موبائل فون، باٹا پور میں اشرف کے گھر گھس کر اہلخانہ کو گن پوائنٹ پر یرغمال بنا کر 9لاکھ 40ہزار روپے مالیت کی نقدی، طلائی زیورات، موبائل فون اور دیگر سامان، ستوکتلہ کے علاقے میں یاسر عمران کے گھر سے 4لاکھ 10ہزار روپے مالیت کی نقدی، طلائی زیورات، موبائل فون اور دیگر سامان، کاہنہ میں ایک بیکری میں گھس کر عملے اور گاہکوں کو یرغمال بنا کرایک لاکھ 30 ہزار روپے، اچھرہ کے علاقے میں رشید سے گن پوائنٹ پر موٹر سائیکل، موبائل فون اورہزاروں روپے نقدی، ڈیفنس سی میں شہری اعجاز سے موٹر سائیکل، شاہدرہ ٹاؤن کے علاقے میں ساجد سے57ہزار روپے اور موبائل فون، رائیونڈ سٹی کے علاقے میں وقاص کی دکان سے 53ہزار روپے، کاہنہ کے علاقے میں مبین سے41ہزار روپے اور موبائل فون، کاہنہ کے علاقے میںمشرف سے23ہزار روپے اور موبائل فون، غازی آباد کے علاقے میں سلطان سے19ہزار روپے اور موبائل فون، سندر کے علاقے میں صادق سے12 ہزار روپے اور موبائل فون، شادباغ کے علاقے میں توصیف کی دکان سے 8ہزار روپے نقدی اور موبائل فون لوٹ لیا ہے ۔ چوروں نے غازی آباد کے علاقے میںعلی اصغر کے گھر سے 5لاکھ روپے مالیت کی نقدی اور دیگر سامان چوری، مناواں اور جوہر ٹاؤن کے علاقوں سے 2 کاریں، سبزہ زار کے علاقے سے رکشہ جبکہ ملت پارک، شیراکوٹ، اقبال ٹاؤن، مانگا منڈی، فیکٹری ایریا، نصیر آباد، اچھرہ، قلعہ گجر سنگھ، باٹا پور، ڈیفنس سی، گڑھی شاہو اور داتا دربار سے12 موٹر سائیکلیں چوری کر لی گئیں۔ اسلام پورہ کے علاقے میں  ایک خاتون سمیت 3 ڈاکوؤں نے ہئیر ڈریسر کی دکان میں گھس کر گن پوائنٹ پر 8 افراد سے7 موبائل فون اور ہزاروں روپے نقدی لوٹ لی ہے۔ واقعہ کی سی سی ٹی وی فوٹیج بھی سامنے آئی ہے۔ پولیس کے مطابق مرد بھی لڑکی کا روپ دھار کر واردات کرسکتا ہے۔